Shillong, Jymmang 24: Ha ka sienjam ban kyntiew shuh shuh ïa ka ktien tynrai Khasi bad Garo mynta la pynrung ha ka CBSE Scheme of Studies, kaba ailad ïa ki skul kiba la pyniasoh ba ki khynnah pule kin shim kum ka Optional Third Language hapoh jongka Board’s New Language Framework na ka bynta u snem pule 2026-27.
Hapoh jong kane ka thup kaba la pynthymmai ha ka thup jongka CBSE OASIS Portal, ka Khasi kala shah buh ha ka nombar 46 bad ka Garo ha ka nombar 47 ha ka thup ki ktien hapoh jongka Three Language ba thymmai (R1-R2-R3) scheme kaban sdang treikam naduh u snem ban wan.
Kane ka jingkynthup kala wan hadien ba kala don ka jingsngewkhia ha Meghalaya hadien ba kham hashwa ym shim la kynthup ïa kine ki artylli ki ktien tynrai na ki sobjek kiba la ioh jingithuh hapoh jongka polisi kaba la pynthymmai jongka CBSE. Ka sorkar jylla kala shimkhia ïa kane ka mat bad ka Board bad ban pynlong ïa ki jingiakren bad ki bor pyniad jongka CBSE.
Katei ka jingshimkhia kala paw ba kala seisoh.
Da kane ka jingpynkylla, palat 100 tylli ki skul kiba pynïasoh bad ka CBSE ha Meghalaya mynta kin lah noh ban ai ïa ka Khasi ne Garo kum shi bynta jongka Third Language hapoh jongka Board scheme, ryngkat bad kiwei pat ki ktien kiba la ioh ia ka jingithuh.
Ka CBSE ka lah dep ban pynthymmai biang ïa ka OASIS Portal kaba long kongsan ïa ki skul kum shi bynta ban pyniaid shakhmat ia ka Language Policy hapih jongka National Education Policy and the National Curriculum Framework.
Kane ka sienjam kadei kaba la khmih lynti ba kan pynkhlain ïa ka ktien tynrai ha ka pule puthi bad ban ai ka jingithuh ha ka jingpule ïa ka ktien Khasi bad Garo hapoh ki skul ha ka ri India ha ryngkat bad ka kyrshan ïa ka jingpyrshang kaba ïar ban pynneh pynsah bad ban kyntiew ïa ki ktien tynrai ki riewlum.
