Kloi ki doktor ka Appollo Multi-speciality hospitals Kolkata ban ai ki lad jingsumar

Shillong, Jymmang 23: Kan long ka jingmyntoi kaba khraw ïa kiba pang bympong ha kaba ki doktor napoh ka Appollo Multi-speciality hospitals kolkata ki la wan ban ai ka jingpynsngewthuh paidbah ha Nongbah Shillong.
Kine ki Doktor kiba kynthup ïa Dr. Rajeev Sharan senior consultant in Onco surgery bad Doktor Randip Ray head of liver transplantation ha kaba ki la ong ba kine ki jait jingpang lah ban sumar ha ka por kaba biang.
Haba kren sha ki lad pathai khubor u Dr. Rajeev Sharan u la ong ba ki jingpang ha kaba ïadei bad ka ryndang ne ka jingpang bympong ha ryndang ka la bun bha ha India, khamtam ha kane ka thaiñ shatei lammihngi jong ka ri India.
La ong ba ka jingbam ïa ki duma, ka jingdih duma, bad kiwei pat ki jingdih kan long ka jingeh kaba khraw ha kaba ki briew ki donkam ïa ka jingsumar.
U la ong ruh ba ka jingjia jong ka Human Palillomavirus ka la long ka jingeh ïa ki samla bad donkam ban ïoh ïa ki dak ki shin kiba kloi.
La ong ba ka Appollo Multi-speciality hospitals kolkata ka la ïaid bteng ban pynkhlaiñ ïa la ka jong ka centre ban sumar ïa kiba ïoh jingpang bympong ha ryndang da ka jingai jingsumar kaba manla ka por.
Ha kaba ïadei kane na ka liang jong ki ki la ong ruh ba ki long kiba la kloi ban ai ki jingïarap na ka por sha ka por ha kaba ïadei bad ki lad ai jingsumar.