ïoh jamin u MDC barim ka Phulbari ba khlem aiti ki pulit ïa ka jingpynngat kyndon hapoh 60 sngi

Shillong, May 16: U MLA barim ka Phulbari u Esmatur Mominin u la ioh jamin ha baroh saw tylli ki case ba ka sorkar ka la mudui pyrshah ïa u ha ka por ba don ka jingkulmar ha Garo Hills.
Ka jingkynnoh pyrshah ïa u nongshah kynnoh ka long ba u pynphriang ïa ka khubor jong ka jingsngew pher jaitbynriew.
U Advocate N. Khera bad ka kynhun aiñ jong u ki la mih khmat na ka bynta jong utei u nongshah kynnoh bad ki la ïoh jamin.
Ka tyllong khubor ba thikna ka la iathuh ba u Khera u la jop ban ioh ïa ka jamin na ka bynta u nongshah kynnoh namar ba ym shym la don ka jingshai halor ka nongrim jong ka jingshah kem.
Ïa u nongiasaid ain ym shym la ioh ban kynduh ban ïa kren halor kane ka bynta.
Ka kashari ka lap ba ïa ki jingtip ba bniah ha kaba ïadei bad ka jingshah kem jong u ym shym la pyntip sha u nongshah kynnoh ha ka por ba la kem ïa u.
Ka jingpyntip ïa ki nongrim jong ka jingkem, wat la thoh ïa ki kyndon jong ka ain hapoh kaba la pynngat ia u nongshah kynnoh, ka jingpyntip ïa ki nongrim jong ka jingkem ka long tang ka dak tick ha ka dur ba la pynkhreh kaba thoh “la suba ba u donkti ha ka kam runar kaba lah ban tip kaba dang don hapoh ka jingtohkit” bad ha ka phang la thoh ïa ki jingtip ba pura jong ka kam runar ka long “la jer kyrteng ïa u briew ba la kynnoh ha ka FIR”.
Ar tylli ki case la ujor ha Phulbari hadien ba la ujor FIR da u John Leslee Sangma bad u Mukul Sangma.
U Mominin ula shah mana tyngeh ba ym dei ban mih palat ia u pud u sam jong ka iingkashari khlem da ioh jingbit shwa bad la bthah ba ym dei shuh ban leh biang ia katei kajuh ka kam sniew ha ki por ban wan.
Ka iingkashari kala byrngem ba ka jingpulom ka jongu ban bud ryntih ia kitei ki kyndon jingbthah bad ia ki kyndon jong ka jingioh jamin ka lah ban shah pynduh noh.