Jowai, Jymmang 14: Ki nongshong shnong ka Labang Nangphyllut, Nangphyllut Dolloiship mynta ka sngi 14 tarik u Jymmang kila phah da ka jingthoh sha u Deputy Commissioner ka West Jaiñtia Hills District ban wan lum-khana-samari (census) kumjuh ïa ki nongshong shnong kiba hap hapoh ka Labang Nongphyllut.
Katkum katei ka shithi ba la soi da u Chairman ka Hynñiewtrep Border Dispute Redressal Forum (HBDRF) ma C. Sungoh bad u Secretary ka Labang Nangphyllut Pangam Raliang Council u ma M.M Thaiang, la pynpaw ba katei ka thaiñ ka dang dei ka bynta jong ka Jaiñtia Hills Autonomous District Council, Jowai bad ïa ka sanad baroh ki Rangbah Shnong hapoh ka Labang Nangphyllut, Nangphyllut Dolloiship la pynithuh da ka JHADC.
Kumta la kyntu jur ïa ka ophis u DC ba kan shmkhia ïa kane ka kam bad ban leit lum lang ïa ka Census na ka bynta ki nongshong shnong jong katei ka thaiñ Labang Nongphyllut.
