Shillong, Jymmang 8: Ka ïing kashari jong u additional deputy commissioner (judicial) ka la kyntait ïa ka jingpan jamin (bail petition) jong u Raj Khushvaha, bad lai ngut kiwei pat ki briew kiba kynthup ïa u Aakash Singh Rajput, u Vishal Singh Chauhan bad u Aanand Kurmi.
Kine ki dei kiba la shah kynnoh ba ki pyniap ïa u Raja Raghuvanshi da ka jingkyrshan jong ka tnga jong u, ka Sonam Raghuvanshi.
U Special public prosecutor ne u nongmudui paidbah ba kyrpang u KC Gautam u la ong ha ka sngi Thohdieng (8 tarik u Jymmang), ka ïingbishar kam shym la lap ïa kino kino ki jingbakla ha ka jingthoh katba kum ki saw ngut ki nongshah kynnoh, bad la pyntip ïa ki balei la kem ïa ki.
Shwa ïa kane, ka ïingbishar ka la ai jamin ïa ka Sonam, da kaba kdew ba ki don ki jingbakla ha ki bynta jong ka jingkem.
Kawei pat ka jingkynthoh ka long ba ym shym la pyntip ïa ka daw jong ka jingshah kem jong ka.
U Gautam u la ong ba katkum ka jingshah kyntait jamin ïa u Raj bad kiwei kiwei, namar ba kim kwah ban shim ïa ka jingiarap jong ain haba la ai jingmut tang hadien ba la kem ïa ki, kumta ki tip bha ïa ka daw.
U P. Yobin, u nongiasaid ain jong ki nongshah kynnoh, u la ong ba ka ïingbishar ka la lap ïa ka jingbym don ka jingiaryngkat kaba la pynlong ïa ka jingshah kyntait jamin.
