Pynrem ka HID Foundation ïa ka jingshah tep im i khunlung ba dang kha ha Ri Bhoi

Nongpoh, Jymmang 04: Hadien ka jingjia kaba sngewsih kaba la pynpar ñiangkhriat ïa kiba bun ba lang hadien ka jingshah tep im jong iwei I khyllung ba dang shu kha ha Ri-Bhoi District, ka Hid Foundation, Nongpoh Unit kala leit ban aiti syndon da ka dorkhas sha u DC ka Ri-Bhoi haka 4 tarik Jymmang naka bynta ban shimkhia ïaki lad jingïada bad ka hok jong ki khynnah ha Ri-Bhoi District.
Naka liang ka Hid Foundation Nongpoh Unitt lyngba u Bah Soniland Malai Executive Co-ordinator ka pynrem jur ïa kane ka jingjia bad pynpaw ruh ka jingsngewsih kaba khraw halor ka jingkiew ki kam runar pyrshah ïaki khyllungkhynnah bad lyngba katei ka dorkhar ka foundation ka kyntu ïa u DC u ba dei ruh u Chairman ka District Child Welfare & Protection Committee (DCWPC), Ri-Bhoi ban pyntreikam ïaki kam ïaki aiñ kiba khlaiñ naka bynta ka hok ki khynnah.
Naka liang ka Foundation kala pynsngew ruh ïaki mat ba kongsan ban pynthikna ïaka jingtreikam ka JJ Act 2015, POCSO Act 2012 ban khanglad ïaka jingshongkha khynnah bad ki kyndon jong ka BNS 2023 halor jingieh bad bym sumar ïaki khyllung khynnah.
La ai jingmut ruh ban khot da ka jingïalang ba kyrkieh jong ka District Child Welfare & Protection Committee (DCWPC) ban bishar ïa ka jingtreikam jong ka DCPU, CWC, SJPU, bad ki Village Level Child Protection Committee, bad ban pynkhlaiñ ïa ka jingiatreilang hapdeng ki tnat sorkar bapher bapher.
Ban pynlong ïa ka jingpynshai paidbah ha baroh kawei ka district bad ban pynthikna ïa ka jingsumar bad ka jingkhmih kaba biang ïa i khyllung ba la ïoh pyllait lyngba ka DCPU, ban pan ïaki kaiphod na ki tnat treikam bapher halor ki jingduna ha ka jingïada ïa ki khynnah bad buh ïa ka jingpeit bniah manla ka por ïa ki jingpynkheiñ ïa ka hok ki khynnah namar ka jingshngaiñ jong ki khynnah ka dei ka jingkitkhlieh lang jong baroh.
Khatduh khatwai kala kyntu ïa u Deputy Commissioner u ba long u Chairman ka District Child Welfare & Protection Committee (DCWPC) ba yn pyrshang ban pynlong ïa ka Ri-Bhoi district kum ka nuksa ha kaba ïadei bad ka jingïada ïa ki khynnah. Ka Foundation ka pynpaw ruh ban ai ia ka jingiatreilang pura bad ka District Administration ha kino kino ki kam kiba bha na bynta ka district.