Pan kaiphod u Myntri halor ka jingkynnoh ba kyntait ai jingsumar ki ar Hospital ha Tura

Shillong, Ïaiong 27: U Bah Wailadmiki Shylla uba dei u Myntri sorkar ba peit ïa ka tnad ka koit ka khiah u la pan ïa ka kaiphod halor ka jingkynnoh ba kyntait ka Tura Civil Hospital bad ka Holy Cross ban ai jingsumar ïa ka khynnah ba 11 snem, kaba la khlad noh hadien na ka jingsuba pang rabies.
U Bah Shylla uba ym shym la don satia hapoh ka jylla u la ong, ba ïa ka kaiphod halor katei ka jingjia un sa pan.
Kham ha shwa jong kane u wei u nongtrei mon sngewbha u Greneth Sangma u la thoh da ka shithi sha u Deputy Commissioner ka West Garo Hills ha kaba u la dawa ban thung da ka magisterial enquiry ha kaba ïadei bad kane ka jingjia.