Shillong, Ïaïong 23: Ka khubor ba la ïoh na ki pulit la ïathuh ba ha ka 21 tarik mynta u bnai ha ka por kumba 7.50 baje mynmiet, ki pulit ki la ïohpdiang ka jingpyntip ba ki runar bym lah ban ithuh ki la prong hapoh ka ïing jong u Bah Khampher Naki Kharlukhi kaba ha 6 Kilo kaba hab ha Kyrdemkulai OP (RB) bad ki la tuh shibun ki tiar ïing bad ka pisa kumba T. 3,000/-
Ha kawei pat ka jingjia, ka Anika Rabha u la phah ka jingujor ba ha ka 19 tarik mynta u bnai ha ka por 9.30 baje mynmiet, ka la ïoh jingtip ba ki runar bym lah ban ithuh ki la prong hapoh ka ïing jong ka kaba ha Tura (WGH) bad ki la tuh ka ksiar bad ka pisa kumba T. 70,000/-.
