Nongstoiñ, Ïaiong 22 : Katkum ka khubor ba la ïoh na ki pulit jong ka Shallang PS ba ka mynnin 22 tarik ïaiong 2026, ha ka por kumba 1.45 nohphai sngi, uwei u briew ïa uba la tip kyrteng kum u Shri Imphal Mawsor ( 50 snem karta) u la thombor ïa uwei u khynnah (3.5 snem) da ka wait na ki bynta jong ka khlieh ha ka shnong Umdang katba une u khynnah u dang wanphai na skul.
La ïathuh ba utei u khynnah uba la shah thombor u lajan ban poi artad ha ïing. Ka jingshah thombor ka long kaba shyrkhei haduh katta katta ha kaba utei u khynnah ba shah thombor ban khlad noh ha katei hi ka jaka. Ki Sahep ba kynthup ïa u SDPO ka Mawshynrut bad na Shallang PS ki la leit bran bran sha katei ka jaka ban leh ïa kaba donkam.
Na ka liang ka Forensic Crime Scene Unit kaba la wanpoi ha katei ka jaka bad ka la bishar bad khmih bniah ban lum ïa ki sakhi sabut. ïa utei u khynnah la rah noh sha Civil Hospital, Nongstoiñ ban leh ïa ka Post Mortem bad ki pulit ki la kem noh ïa une u briew uba shah kynnoh thombor bad ka jingtohkit ka dang ïaid shakhmat.
