Jowai, Ïaïong 21: Kum shibynta ban noh synniang sha ka imlang sahlang khamtam ban ïarap ïa ki longïing baduk, ha kane ka 21 tarik u Ïaïong 2026 ka Jaiñtia Hills Development Society (JHDS) ha ryngkat ka jing0239atreilang bad ka Khublei Germany ki la aiti sa kawei ka ïing kaba dang shu dep shna thymmai sha kawei ka longïing kaba duna ka ïoh ka kot kaba don ha ka Shnong Khliehmyntriang East Jaiñtia Hill District.
Ïa kane ka ïing thymmai la noh synniang da ka Agathe bad u Helmut kiba na ka Ri Germany bad la pyntrei bad pynbit pynbiang da ka Jaiñtia Hills Development Society kaba long kawei na ki seng treimon sngewbha ha Rilum Jaiñtia. La aiti ïa ka sha ka ïing ka sem ka kong Glory Dkhar bad u ma Hendry Siangshai ha ryngkat bad 5 ngut ki khun jong ki.
La kyrkhu ïa kane ka ïing ba thymmai da u Fr. Manbha Pakem, uba long u Director ka JHDS ryngkat ka jingïadonlang u President ka Khublei Germany, u Sir. Gerhart Albert bad ki paralok jong u kiba kynthup ïa ka Ulli Albert, ka Alvira bad u Godehart.
