Mawkyrwat, Ïaïong 14 : Ka Nonglang Sports Club mynta ka sngi ka la ïoh ban plie pyrda ïa ka lympung ïalehkai kynjatbol kaba la tip kum ka Football Inter-dong 2026 jong ki kyrdan bapher bapher kaba dei jong ki samla shynrang, ki rangbah kiba hajrong ka 30 snem, ki kynthei shynrang bad kynthei kiba hapoh ka 15, bad jong ki kynthei ha madan Pyndeniewlyngdoh, Nonglang, South West Khasi Hills District.
Ha kane ka sngi plie la pynïalehkai shwa ïa ki samla shynrang bad ki Dong kiba la ïalehkai ki long hapdeng ka Mawphorkynbat Football Team pyrshah ïa ka Dong Pyndenjathang Football Team. Hapdeng jong ka jingïalehkai, ka Dong Pyndenjathang FT ka la ïoh ban thep kol nyngkong eh lyngba u Albinus Thongni ha ka minit ba 50 bad 63 nangta ha ka minit ba 75 da u Mark Marweiñ bad tad haduh kaba kut ka Pyndenjathang FT ka la pynliem ïa ka Mawphorkynbat FT da 3 – 0 kol.
Ha kane ka sngi plie la wan ban plie da u samla rangbah jong ka shnong Nonglang, u samla Kynphamlin V. Kharlyngdoh ha ryngkat ka jingdonlang ki riew rangbah jong ka shnong lem bad ki nongkitkam ka Nonglang Sports Club.
Ka jingïalehkai kaba bud kan long ha ka 17-04-2026 hapdeng ka Dong Pyndenbah FT pyrshah ïa ka Dong Nongdom FT ha ka por 3 nohphai sngi ha ha madan Pyndeniewlyngdoh, Nonglang, South West Khasi Hills District.
