Lap u MDC ïa ka jingduna ha ka Sub-Centre ha Mawkamoit, kyrpad ban ai jingker kynroh

Shillong, Ïaiong 13: U MDC jong ka Pariong- Mawthadraishan, u bah powell sohkhlet ha ka 13 tarik u ïaiong 2026, u la leit ban jngoh ïa ka Sub Centre kaba don ha Mawkamoit, kaba dei ka jaka sumar kaba kynthup lang ruh ïa ki 5 tylli kiwei pat ki shnong.
U Bah Powell u la iathuh ba kane ka jingleit jngoh ka long hadien ba ka shnong ka la pyntip bad phah ïa ki artylli ki dur kiba dei jong ka miej kha khunlung kaba la synjor bad don jingma haba kha khun bad kumjuh ruh ka kor pynsyaid khunlung ne ka radiant baby warming ka bym treikam shuhh.
Ha kane ka jingleit jurip ba la synran lang ruh da u asst secretary ka shnong bad la lap ruh ba ka Sub Centre kam don satia ka jingker kaba biang bad ki kamra thiah pang ruh ki khap ngiah.
Kane ka Sub Centre la iathuh ki nurse ba trei hangne ba ha ka shi bnai kumba 10 ngut ki longkmie ki wan kha khunlung bad ki paidbah ba wan shim dawai ki long kumba 400 ngut shi bnai.
Na ka liang ka shnong haba kyrpad ia u MDC ban iakren lem bad ki bor ka tnad ka koit ka khiah bad ka kyrpad ruh ia u MDC ban peit lem na ka bynta ka fencing bad la phyllaw namar ba ka lang ktieh ha ka por slap.