Shillong, Iaiong 11 : Ka Bharatiya Janata Party (BJP) kala dawa ban pynlong ïa ka Special Intensive Revision (SIR) jong ka Electoral Roll hashuwa ban pynbna biang ïa ka election MDC sha Garo Hills Autonomous District Council (GHADC).
“Ngi la dep ban pynbna (25 ngut ki kyrtong) 19 ngut ha ka thup ba nyngkong bad 6 ngut ha ka thup ba-ar. Kat ban poi ka por ba pynbna ïa ka election, ngin don kyrtong na baroh ki constituency” ong u Nongaiktien ka BJP Bah M Kharkrang haba ïakren bad ki nongthoh khubor ha ka sngi Saitjain.
ïa ka elekshon GHADC la pynkynriah namar ka jingkulmar kaba mih na ka jingpyrshah ïa ka jingïoh ïashimbynta ki bar jylla ha ka elekshon GHADC.
U Bah Kharkrang ula ban jur ïa ka jingdonkam ka SIR ban pynthikna ba tang ki nongthep vote ba dei hok kin shah kynthup ha ka electoral roll.
“Ngi pdiang ïa ka SIR bad ngi kyrshan ban pynlong ïa ka, khamtam ha ki jaka ba don ki nongthep vote ba artatien. Dei ban pyndep ïa ka hashuwa ka election GHADC, kan bha eh hapoh u Iaiong” ula ong.
Halor ka kam rung kyrthep ki briew ba nabar, u Bah Kharkrang ula ong ba ka Sorkar Pdeng ba ïalam da ka BJP ka la shimkhia bha ïa kane ka kam.
“Ka jingrung ki briew ba nabar ka dei ka jingeh bala slem, hynrei kam dei tang hadien ba ka BJP ka la wan ha ka bor ba ka Sorkar ka la shimkhia. Ka SIR ka dei kawei ka lynti ban ithuh ïa ki mynder ri ba rung beain bad ka Sorkar ka la leh ïa ka kam ban khang ïa ki” ula bynrap.
