Shillong, Ïaïong 10: Ka Assembly World wide Healing Church, Shillong kan pynlong ïa ka 3rd General Assembly cum Shillong Healing Festival Celebration 2026, ka ban sdang naduh ka 17, 18, 19 tarik mynta u bnai ha Madan Saw Golflink.
Haba kren sha ki lad pathai khubor ka Kong Belinda Kharsati ha ka jingïadonlang u Bah Jeriel Nicholas Kharbhih bad ka Bena Ghosh ki la ïathuh ba ha kine ki Sngi ka jingïaseng kan sdang naduh ka por 10 baje mynstep haduh 4 baje janmiet da ka jingduwai pynkhiah, kan don ruh ka Praise Fiesta bad kiwei kiwei bad u nongïalap un long u Pastor J.S.Mawlong.
Na ka liang jong ka Kong Belinda ka la ïathuh ruh ba ki jingduwai jingpynkoit kin sdang naduh ki por mynsngi ha baroh ki sngi bad kumta ka la ïawer ïa baroh ki briew kiba la long Kristan bad kumjuh ruh kito ki bym pat bud ïa u Khrist bad kumjuh ruh kiwei kiwei kiba kwah ban mad ïa ki jingpynkoit pynkhiah ba kin wan ban sakhi dalade ha kitei ki sngi.
