Shillong, Iaiong 10 : Ka Greater Shillong Water Supply Scheme (GSWSS)-III ka la jan dep artad bad ka um ka la poi mynta ha ka treatment plant, ong u Myntri ka Tnad Public Health Engineering (PHE) Marcuise N Marak ha ka sngi Palei.
“Ka jingpump um na ka phase-III na dam ka la dep bad la dep ruh ban test ïa ka dang shen ha kaba la shem ba ka treikam bha, bad ka um ka la poi ha ka treatment plant” ong u Marcuise haba ïakren bad ki nongthoh khubor bad bynrap ba ki kam ki dang sahteng ha ka liang ka distribution kynthup ka jingsiang ïa ki pipe.
Hynrei, u Myntri ula pynpaw ïa ka jingkyrmen ba ka project kan sa dep noh shen, haba ïaroh ïa ka jingïatreilang ba ïoh na ki shnong ki thaw.
