Shillong, Ïaïong 09: Ka khubor ba la ïoh na ki pulit la ïathuh ba u Bah Sumar Sing Thabah u la phah ka jingujor ba ha ka 6 tarik u Ïaïong, ki runar bym lah ban ithuh ki la tuh ïa ka scooter jong u kaba don u nombar ML-05AA-3180 napoh ka compound ïingsah kaba ha Lumshyiap Langkyrding-A, Shillong.
Shuh shuh na ka liang ki pulit ki la ïathuh ba ha kawei pat ka jingjia, na ka liang u Olington M Marak u la phah ka jingujor ba ha ka 5 tarik u bnai Ïaïong, ki runar bym lah ban ithuh ki la tuh ïa ka thuk thuk jong u kaba don u nombar ML-05AF-2521 napoh Leijri (Baskuna) ka shnong kaba dang hab hapoh ka East Jaiñtia Hills District (EJH).
