Haduh mynta ngim pat ïoh jingtip bad ngim pat ïakren eiei ïa ka tiket MLA: NPP Nongpoh Block

Nongpoh, Ïaiong 08 : Tang hadien ka jingmih ki khubor halor ka jingpynsngew ba u MLA ka Nongpoh, u Bah Mayral Born Syiem un don jingmut ban ïaleh ïaka elekshon MLA 2028 naka party NPP, naka liang ka NPP Nongpoh Block kala mih shakhmat ban pynpaw ba kam pat don jingtip eiei halor kane ka khubor.
Haba phah ïaka kyrwoh naka liang u Bah Henry Nongrum President bad u Bah Bishar Tmung General Secretary ka NPP Nongpoh Block, kila pynpaw ba kumba long haduh mynta ngim pat ïa kren ïaka tiket MLA bad ïaka election ka ban wan hynrei ngi dang ïa trei ban pyn khlain ïaka party ha baroh ka constituency.
Na ka liang ka NPP Nongpoh Block ka kyrmen skhem ba ka NPP Meghalaya State Unit kan sngap ïaka jingsngew jong ki namar kumba long mynta ka Kong Rona Khymdeit ka dei ka MDC kaba la pynjop donburom ïaka party NPP na Nongpoh Constituency hadien ka saw ka sian bad kumba long haka election MDC 2025 dei ka block NPP kaba la trei shitom ryngkat ka jing kyrshan radbah jong ki paitbah Nongpoh Constituency haduh ba ngin da ioh ïaka jingjop ba donburom, kila bynrap.