Dei ban don Syrnod ST ki ban ïaleh ïa ka elekshon MDC ha JHADC dawa ka JSU na u CM

Shillong, Iaiong 4 : Ka Jaintia Students’ Union (JSU) ka la aiti ïa ka dorkhas ha u Myntri Rangbah u Conrad K Sangma, bad kyrpad ïa u ban tuklar lem ha ka ban ïada ïa ka hok ki riewlum ha ka thaiñ ri-lum Jaintia da kaba pynkylla ia ka AD Rules ba tang kiba don ka Syrnod Shedule Tribe kiba lah ban ïashim bynta ha ka Election MDC sha ka JHADC.
Ka seng kala kyrpad ban wanrah jingpynkylla ïa ka Assam and Meghalaya Autonomous District Council Rules, 1951, ban pyntreikam ïa ka syrnot Scheduled Tribe (ST) na ka bynta ki kyrtong bad nongthep vote ha ka election Jaintia Hills Autonomous District Council (JHADC).
“Ia kane ka bynta la tyrwa ban pynthikna ba ki kyrtong bad ki nongthep vote ki dei ban dei ki trai ri trai muluk ba shisha jong ka ri-lum Jaintia” ong ka dorkhas.
Ka la dawa ruh ban pynkylla ïa ka Rule 8 bad Rule 128 ban pyrrkhing ba ka jingïoh ïakhun elekshon JHADC ka dei ban long beit thik tang ïa ki riewlum trai ri trai muluk.
Ka Seng ka la pynpaw ïa ka jingsngewkhia halor ka jingnang kha roi ki nongthep vote bar jylla ha ki thaiñ kum ha Lad Rymbai bad Lakroh, haba pynïadei ïa ka jinglong jingman na ka kam tih dewiong bad ka jingwan rung beaiñ.
Ka dorkhas kala dawa ban pyntreikam noh mardor ïa ka Special Intensive Revision (SIR) jong ka electoral rolls ha ri-lum Jaintia.