Jowai, Lber 31: Ka The Legends (Lissi Pearl) kala jop pyrshah ïa ka Wahiajer SC da 47 run ha ka jingïalehkai Quarter Final ba khadduh jong ka District Cricket League-2026 bala pynlong da ka West Jaiñtia Hills District Cricket Association, Jowai kaba long mynta ka sngi 31 tarik Lber 2026.
Ka The Legends (Lissi Pearl) hadien ba la jop iï ka jingkynting pisa kala jied ban tied nyngkong bad kala kamai 197 run na ki 35 over bad hap 8 wicket. U Shaniahlang Ryngkhlem ula long uba kamai bun run tam da 69 run na ki 42 bol, U Dachange Mi Phawa ula pynbud da 47 run na ki 54 bol.
Na bynta ka Wahiajer SC, u Janai Talang ula shim 3 wicket na 7 over, katba u George Ryngkhlem bad u Mebanker Suting ki la shim mar 2 wicket na 7 over.
Ha ka inning kaba ar, ka Wahiajer SC kala beh ïa ka thong hynrei kala lah ban kamai tang 150 run na 29.5 over bad hap lut baroh ki wicket. U Kitboklang Shylla ula long uba kamai bun run tam da 41 run na ki 40 bol, u Jeremaia Mukhim u la pynbud da 21 run na ki 22 bol.
Na bynta ka The Legends (Lissi Pearl), u Conrad Sana ula lehkai bha shibun da kaba shim 5 wicket na 6.5 over, katba u Rainbow Phawa u la shim 2 wicket na 7 over.
Ïa ka nam Man of the Match la ïoh da u Conrad Sana naka The Legends – Lissi Pearl.
La pyntip ba ka jingïalehkai Semi Final ba nyngkong kan long haka sngi 02-04-2026, hapdeng ka Goodwill Mupliang SC bad ka The Legends (Lissi Pearl) ha Khliehtyrchi Mini Stadium, ha ka por 9 baje mynstep.
