Jowai, Lber 30 : U Sniawbhalang Dhar, Deputy Chief Minister ka jylla Meghalaya, u la leit jurip ïa ka jaka ba la thmu ban tei ïa ka office building thymmai jong ka Seinkhihlang ha Baniun, East Khasi Hills, bad u la pynbna jingïarap pisa kaba 50 lak na ka bynta kane ka projek.U Ma Sniawbhalang uba la tip bha kum u briew uba ju ai jingïarap sha ki jingngeit bapher bapher bad ki kynhun shnong, u la pynpaw biang ïa ka jingangnud jong u ban kyrshan ïa ka roi ka par kaba kynthup lang ïa baroh bad ka jingïada ïa ka riti dustur lyngba kum kine ki sienjam.
Ka jingtei ïa kane ka office building thymmai kan sdang shen bad kan long kum ka bynta kaba kongsan na ka bynta ki kam niam bad kiwei. Ka SEINKHIHLANG ka dang bteng ban long ka bynta kaba donkam ha ka jingiada bad jingïsrap ban pynneh pynsah ïa ka riti dustur, ka jinglong tynrai jong ki Khasi bad Jaiñtia. U President bad u Secretary ka Sengkhihlang ki la pynpaw ïa ka jingsngewnguh kaba khraw ïa u Deputy Chief Minister na ka bynta ka jingïarap kaba radbah jong u. Ki la ong ruh ba kane ka jingïarap kan ïarap shibun ban pynsted ïa ka jingtei bad ban pynkhlaiñ ïa ka thong jong ka seng.
Ki la ban jur ruh halor ka jingdonkam jong kane ka office thymmai ha ka jingïada bad pynneh pynsah ïa ka pateng riti dustur kaba riewspah jong ka jaitbynriew, khnang ba ki pateng ban wan kin dang lah ban ïaineh bad ki tynrai jong ki.
