Shillong, Naitung 13: Ka National People Youth Front(NPYF) kaba dei ka tnad jong ki samla jong ka seng NPP ha ka sngi Balang ka la kam ba ka jingshah kem ki nong shnong shnong jong ka jylla Meghalaya bad ka jingmih ka jingmih ka jingkulmar ha Terabari sector ka dei na ka daw ba ki 20% nongshong shnong kiba kwah ban leit sha Assam ki pynkynshoit ia ki 80% kiba kwah ban wan sha ka jylla Meghalaya ba kin neh bad ka Assam. Hadien ba la mih ka jingkulmar kine kiba kwah ban leit sha ka jylla Assam ki ai da ka ejahar sha Boko Police Station ba sa shah kem ki laingut kiba kwah ban wan sha ka jylla Meghalaya.
Haba kren halor kane u Bajop Pyngrope uba dei u nongaiktien jong ka NPYF u la ong dei kine kiba kwah ban leit bad ka Assam ki bynnud ia ki jingmyntoi kaba ki ioh na ka sorkar Assam ba ki sa kynshoit ia kiba kwah wan sha Meghalaya ba kin leit beit sha Assam bad dei na kane kas daw sa mih ka jingkulmar u la iathuh. Dei na ka jingujor ejahar kine kiba kwah leit sha ka Assami ai ejahar u la iathuh.
Ka jingkam jong ki katto katne ki lad pathai khubor ba ka jingshah kem ka dei namar ka jingpynbor da ki pulit ba kin iasoh bad ka jylla Assam ka long kaba bakla ong u Bah Bajop.
Shuh shuh u la iathuh ba ha ka jingshisha kane ka Tabari Sector kam ju hap shuh sha Meghalaya bad ba kim ju thep vote ruh sha Meghalaya ha ki ilekshon MLA, MP, bad MDC. “Dei hadien ba ka don ka jingsoi MoU ba kane ka jaka kan ioh ka Meghalaya” ong u Bah Bajop.
