Yn wan jngoh u Dr. Virendra Kumar, Myntri Sorkar Pdeng ba dei peit ïa ka Tnad Social Justice and Empowerment

Shillong, Rymphang 28: U Myntri Sorkar Pdeng ba dei peit ïa ka Tnad Social Justice and Empowerment,Sorkar India, u Dr.Virendra Kumar, un wan jngoh ïa ka jylla Meghalaya naduh ka 1 tarik haduh 3 tarik Lber, 2026, ban peit bniah ïa ki prokram bad ïakren bad kito kiba don bynta ha ka kam ha kylleng ka East Khasi Hills district.
U Myntri Sorkar Pdeng un pynïaid ïa ka prokram ha Composite Regional Centre for Skill Development, Rehabilitation and Empowerment of Persons with Disabilities (CRCSRE), Shillong ha ka 1 tarik Lber, ban peit bniah ïa ki kam jong ka bad ban ïakren bad ki ophisar bad ki nongïoh jingmyntoi.
Ha kane ka jingwan jong u, u Dr. Kumar un leit jngoh ruh ïa ki jaka pule ba la jied, ki jaka sumar, ki jaka ai jingsumar ïa ki nongdih drok, ki jaka ai jingsumar ïa ki khynnah bad ki projek ba ïadei bad ka imlang sahlang ha East Khasi Hills district. Yn pynlong ruh ïa ka jingïalang peit bniah ha ka District ban bishar bniah ïa ka jingpyntreikam ïa ki skhim jong ka Tnad Social Justice and Empowerment bad ki sienjam ba ïadei bad ka bha ka miat ha ka Jylla.
Ka jingthmu jong kane ka jingwan kadei ban peit ïa ka jingtreikam jong ka Centre bad ki sienjam ba dang ïaid shakhmat jong ka na ka bynta ban kyntiew ïa ki sap, ka jaka ai jingsumar bad ban pynkupbor ïa ki briew kiba don jingduna ha ki dkhot met ha ka thaiñ.