Pynliem ka Lawblei SC ïa ka Mawten SC ban rah nam lahduh ha ka Mawten VI T20 Cricket Tournament 2026

Mawkyrwat, Rymphang 27: Ka kynhun ialehkai jong ka Lawblei Sports Club ka la rah ïa ka nam lahduh ha ka lympung ïalehkai kriket ba la tip kum ka Mawten 6th T20 Cricket Tournament 2026 ba la pynïaid da ka Mawten Sports club ha madan Mawpyllun , Mawten, South West Khasi Hills District
Ka jingrah ka Lawblei SC ïa ka nam lahduh ka dei hadien ba ka la lah ban pynliem noh ïa ka Mawten SC da 7 wicket.
Ha kane ka jingïalehkai phainal, ka Lawblei SC ka la jop ïa ka jingkynting pisa bad jied ban tied bol nyngkong. Ka Mawten SC haba wan ban tied nyngkong, ka la lah ban kamai haduh 171 ron na ki 20 tylli ki over bad hap noh 8 wicket.
Haba beh ïa katei ka thong, ka Lawblei Sports Club ka la tied 172 ron bad hap noh 3 wiket na ki 17.4 obar.
Ha kaba kut jong ka jingïalehkai, la ïoh ban sam ïa ki khusnam sha baroh ki ar kynhun kiba la ïalehkai ha ka phainal bad kumjuh ruh ka khusnam shimet kata kum u ‘rangïalehkai ba tbit ka leit sha u Bharat Gurung jong ka Lawblei Sports Club.
Ïa kane ka lympung la wan ban pynhap pyrda da u Umesh Kumar, General Manager, ACE Construction Company bad u bah Borbanjop Lyngdoh, Importer & Exporter ha ryngkat ka jingdonlang ki riew Rangbah, ki nongpynïaid ka Mawten Sports Club bad kiwei.