Shillong, Rymphang 23 : U Myntri Rangbah ka Jylla Conrad K Sangma ha ka sngi Nyngkong, ula pyntip ha ïing Dorbar Thaw Aiñ ba ka sorkar ka la mang pisa ba kot 50 klur tyngka na ka bynta ban tei ïing ia ki pulit hapoh ka ka Police Housing Scheme, bad na katei ka 50 kllur tyngka la dep pyllait 25 klur bad ka kam mynta kala ïaid ha ki 40 tylli ki jaka.
“Ka Tnad Pulit kala shah ieh bha bad ngi la wanrah ïa kane ka song pisa ha kaba ngi la ai ïa ka untied fund sha ki SP kaba la ïarap shisha” ong u Conrad haba bynrap ba la dep ruh ban thaw ïa ka Committee ba lam khmat da u SP bad ka Tnad Engineering Wing.“Ngin nang pynbha shuh shuh ïa ki jingtei” ula ong.
Halor ka jingshlei um bad ki jingker kynroh, u Conrad ula ong ba ki jingïarap ki jia haba ki jingeh ki mih hynrei ngi donkam “Ym tang shispah hynrei da ki hajar klur”.
Ka Sorkar, u bynrap, ka ïaleh ban pynduna ïa ki jingktah bad ai jingïada ïa ki ïing ba shah ktah, haba kdew ïïa ka jingther u slap ba jur bad ka jingkylla jong ka suiñbneng.
