Ban khring ïa ki nongwan jngohkai pynlong ka Wahkhen da ka jingïakob kheit Sohñiamtra

Shillong, Rymphang 22: Ka shnong Wahkhen kaba dei kawei na ki shnong kaba la paw bha ha ki kam jngohkai pyrthei da ka jingdon u Mawrongkhong ha kaba ki nongleitkai na kylleng ki la poi ban kiew ïa u ne u maw ba la shna da ki jingkieng siej.
Hynrei ban khring shuh shuh ïa ki nongwan jngohkai ka shnong ka la pynlong ïa ka jingiakob kheit soh ñiamtra ha ka sien kaba nyngkong eh ha ha shnong Wahkhen. ïa kane ka jingïakob la pynlong ar sngi lynter ïa kaba la pynkut mynta ka sngi.
Kane ka jingiakob kheit soh ka long ba kham pher ha kaba ki hap ban kheit da ka rongshop kaba la shna da u siej ha kaba ki nongïa shim bynta ki hap ban kheit ïa u soh niamtra na ki dieng soh da kaba pyndonkam ïa ka rongshop.
Ha kine ki ar sngi kiba la wan ban ïashim bynta ha kane ka jingïakob kheit soh ki la wan ïashim bynta ruh da kiba wan jngohkai sha katei ka shnong bad kum juh ki trai shnong bad kane ka dei ka jingïakob kaba la pynlong ha ka sien kaba nyngkong eh.