Shillong, Rymphang 14 : Ka ophis jong u Superintendent of Police, East Khasi Hills District, Shillong ki la pyntip ba uwei u samla ba tip kyrteng kum u Wallamphrang Khongsit, 24 snem ka rta ba dei u khun jong i Kong Basuklang Marbaniang na Pdengshnong, Sohra u la jah na Arwah Sohra naduh ka 10tarik mynta ha ka por 6:00 baje ei ei janmiet.
Katkum ka kyrwoh na ki pulit la ïathuh ba une u samla u don ïa ka rynieng ba 5.5 phut bad don ka durkhmat ba pyllun bad don ka met kaba sngaid. La ïathuh ruh ba ka sur kren jong u ka long kaba jem bad u nang ban Khasi bad ruh ïa ka English bad u dei ruh uba la pyndep ïa ka LLB.
Ki pulit ki la pyntip ruh ba une u samla u phong ïa ka sweat-shirt kaba iong, ka patlun tracksuit kaba iong bad ruh ka juti ba iong.
Halor kane ka jingjia, ki pulit ki la kyntu ruh ïa kino kino kiba ïohi ïa une u samla ki lah ban pyntip ha u Officer In-Charge Sohra PS – 0364 -2235227, Police Control Room Shillong – 6009196479 bad ha I/C Missing Desk – 8837282114.
Kane ka long katkum ka kyrwoh ba la phah da u Superintendent of Plice (City), East Khasi Hills, Shillong, u Dewansh Pandey, IPS.
