Jowai, Rymphang 04: Ki trai trok napoh ka Jaiñtia Hills District kiba kit mar na ki kharkhana dewbilat ha ka 3 tarik Rymphang, 2026 kila lum ïa ka jingïalang ha ophis ka Kur Phawa-Siangshai-Papiah-Lyngdoh Phawa kaba don ha Khliehwah Sahsniang, Ïalong West Jaiñtia Hills District ban ïakren ha kaba ïadei bad ki kam jong ka seng Jaiñtia Hills Truck Owners’ Association (JHTOA).
La shim ïa ka rai ban pynlong ïa ka elekshon ban jied ïa u President bathymmai jong ka seng JHTOA ha ka 9 tarik Rymphang 2026. Ki kyrtong kiba kwah ban ïakhun ïa kane ka elekshon, ki lah ban wan ïashimbynta ha katei ka sngi ha ryngkat ki Polling Agent jong ki, ka por ban sdang ka long naduh 11 baje mynstep, ha kane kajuh ka jaka ba la pynlong ïa ka meeting da kaba wanrahlang ïa ki kot kali original kum ka Registration Certificate.
