Jowai, Rymphang 01: Ka Dorbar Shnong Pdengshakap kaba pynïaid ïaka jingïalehkai football ïakaba la tip kum ka ‘12th Secondary School Football Knock-out Tournament 2025-26’, ha madan Pdengshakap, West Jaiñtia Hills.
Ha ka jingïalehkai la ïoh ban sdang ïa artylli ki jingïalehkai 2nd round, haka jingïalehkai ba nongkong ka Border Line FC kala jop ïaka Syndai Combine FC da 1-0 kol, ïa katei ka shikol naka bynta ka Border Line FC la ïoh ban thep da u Pynkhlaiñ Nongrum haka minit kaba 39.
Katba haka jingïalehkai kaba ar pat ka Pohplet FC kala lah ban pynliem noh ïaka Ryntihlang FC da 4-5 kol daka jingïashut Tie-Breaker hadien bala kut ka jingïalehkai da 1-1 kol, ïaka kol jong ka Pohplet FC la ïoh ban thep da u Lucky Khyriem haka minit kaba 7, katba ïaka Ryntihlang FC pat la thep da u Lifeboy Surong haka minit kaba 56.
Naka liang jong ka Tournament Committee kan bteng biang ïaka jingïalehkai haka 7 tarik sngi (Saitjain) ka jingïalehkai haka por 12 baje shiteng sngi ka Amj The Boy’s pyrshah ïaka Ksu Thadmuthlong FC, katba haka por 2 baje nohphai sngi ka Youngstar SC (Nongtalang) pyrshah ïaka Halari FC.
