Mawkyrwat, K’lyngkot 29, 2026: Ka Shnong Mawkyrwat lyngba ka Centenary Committee kan sa ïoh ban khang bad pyrda noh ïa ka jingrakhe lehkmen ïa u jong ka kynjoh jong ka Shnong Mawkyrwat ïa u mawmer jong ka jingdap 100 snem ka ban long ha ka 6 tarik u bnai Rymphang, 2026 ha kaba ha kane ka sngi u bah Prestone Tynsong, Symbud Myntri Rangbah ka Jylla Meghalaya un long kum u kongsan.
Kiwei de ki ban sa ïa donlang ki long u bah Renikton Lyngdoh Tongkhar u MLA ka Mawkyrwat Constituency, u bah Pius Marwein u MLA ka Ranikor Constituency, ki Ophisar sorkar bad kiwei de ki ban shah khot sngewbha.
Shuh shuh ha kane ka sngi ynsa plie paidbah ruh ïa u mot dur sah kynmaw jong u (L) Tymmen Basan Rosasiah Nongrem uba dei u Myntri Shnong ba nyngkong tam jong ka shnong Mawkyrwat kata naduh u snem 1942.
Namarkata, ka shnong ka khot ka wer ïa ki paid nongshong shnong jong ka Shnong Mawkyrwat kiba don ha kylleng ki jaka ba kin sngewbha ban wan khnang ha kane ka sngi ba kan long ka jingshngaiñ bad ka jingsah jingkynmaw ïa ka shnong hi baroh kawei.
Kane ka long ka jingpyntip kaba wan na u bah H.S. Diengdoh, President bad na u bah W.L. Snaitang, Secretary ka Centenary Committee jong ka shnong Mawkyrwat.
