Shillong Rymphang 14: Ka tnat pule puthi jong ka sorkar jylla ka la buh ïa ka thong ban thep kam ïa 500 ngut ki nonghikai LP bad UP ha ki skul ka jylla.
Ïa kane la ïathuh da u State Project Director jong ka SSA u Swapnil Tembe ha ka sngi Thohdieng.
“Ngi mynta ngi pyrkhat tang kumno ban pyndap ïa ki kam ba thylli ha ki skul LP bad UP ha ka sorkar jylla kiba don kam ïa ki nonghikai kumba 500 ngut ha ka jylla baroh kawei,” ong u Tembe.
U Tembe u la ong ba ha u snem ba la dep ka tnat pule puthi ka la dep ban thung kam haduh 1000 ngut ki nonghikai ha ki LP school.
“Mynta ba da ka roster la lah ban thep kam, bad shisien ba ka la don ka jingpynskem ïa ka draft advertisement da ka Sorkar jylla bad hadien kane ka jingthung kam kan sdang biang. Halor kane ngin pyntrikam shen ïa ki kam ha kaba ïadei bad kane ka bynta bad kane kan long kham kloi shen katba lah,” u la bynrap.
