31 tylli ki muid bad ki jingsleh pynbhabriew kurup ki BSF na khappud

0

Shillong, K’lyngkot, 03: Ki shipai Border Security Force jong ka 110 Battalion ha ka 31 tarik, Nohprah, 2022 ki la ïoh pyllait im haduh 31 tylli ki muid ba la thep ha ki trok ba la thmu ban shalan tuh sha ka ri Bangladesh lyngba ka khappud jong ka East Khasi Hills.
Ki shipai BSF kiba la jingtip na ki tnat syntiat ha ka jingpynap shrip ki la ïoh bat ïa ki trok kaba kit ïa kine ki muid ha surok Ichamati-Shella kaba don hajan jong ka khapud. Ïa kine ki muid la thep ha ki ar tylli ki trok ha ka rukom kaba khapngiah bha.
Tang shu ïohi ïa ki shipai BSF, ki arngut ki nongniah jong kine ki ar tylli ki trok ki la rynsied sha khlaw bad iehnoh ïa kine ki ar tylli ki trok bad ïa ki masi shadien.
Ha kane kajuh ka sngi, ki shipai BSF jong ka 172 Battalion ki la ïoh kurup ruh ïa ki jingsleh pynbhabriew kiba shongdor T. 8.5 lak na khappud jong ka East Jaiñtia Hills.
Haduh kaba kut jong u snem 2022, ki shipai BSF ki la ïoh pyllait im haduh 3308 hajar tylli ki masi na kti jong ki snar nongkhaii tuh.

Leave A Reply

Your email address will not be published.