29 tarik mynta u bnai yn plie ïa ka jingrakhe dap 50 snem ka St. Mary’s HSS, Rangblang

Mawkyrwat, Risaw, 27: Ka St. Mary’s Higher Secon-dary School Rang-blang kaba don ha South West Khasi Hillls Distrik ka dei kawei ka skul kaba la pynmih shibun ki ‘riewkhraw bad ki khlur ba phyrnai kata naduh ba la seng ïa ka ha u snem 1975 haduh mynta u snem 2024.
Kum ban shu pynkyn-maw ba ka St. Mary’s Higher Secondary School, Rangblang la seng ïa ka naduh u snem 1975 bad ka sa kynjoh ïa u mawmer ba 50 snem ha ka jingshakri jong ka ha ka liang ka jingai jingnang jingstad bad ïa ka Balang bad ïa ka thaiñ hi baroh kawei ha u snem 2025.
Namarkata, u Vice Principal jong ka St. Mary’s Higher Secondary School, Rangblang, u Rev. Father Jeffree Kharkongor ha ka kyrteng jong u Principal u F. Edmund Lakra, u Babu Ïoannis Ïawphñiaw uba long u Chairman jong ka Jubilee Committee bad ka Management Committee, ki Sister, ki nonghikai bad ki khynnah skul ki la pynpaw ka jingsngewkmen shi katdei eh ba ka St. Mary’s Higher Secondary School, Rangblang kan sa ïoh ïa lehkmen lang ban plie ia u Mawmer ïa ka jingdap 50 snem ne ka Jubilee Ksiar kata ha ka 29 tarik u Risaw, 2024.
Namarkata, u Rev Fr. Jeffree Kharkongngor bad u Babu Ioannis Iawphñiaw bad ka Sr. Kanrisha Thangkhiew haba kren sha ki lad pathai khubor ki la khot sngewbha ïa ki Father, ki Sister bad ïa baroh ki khynnah skul barim kiba la pule ha kane ka sngi bad kiba thymmai kumjuh ruh ïa ki kmie ki kpa ki bahaïing hasem jong ki khynnah skul, ki nongmihkhmat na kane ka thaiñ ba kin sngewbha ban wan ïaleh kmen lang ha kane ka sngi sah jingkynmaw burom jong ka St. Mary’s Higher Secondary School, Rangblang kata ha ka sngi plie pyrda ïa ka Jubili Ksiar kumjuh ruh ka jingplie ïa u Mawnongrim jong ka jingdap 50 snem ha ka ka 29 tarik u Risaw, 2024 bad ïa kane ka Jubili Ksiar ynsa pynkut pat ïa ka jing lehkmen ha u snem 2025.
Ha kane ka jinglehkmen ynsa don ruh ki jingrwai, ki jingshat, ki jingput jingtem.