Nongpoh, Nailar 22: Ha kum kane ka juk ba bun ki khun samla ki don hapdeng ka jingkyrduh kam kyrduh jam wat la ki la pyndep ïa ki jingpule bapher bapher, hynrei ka jingbsuh khlieh ki khun samla ha ki kam ak phlim ka la dei kawei na lad kaba ai jingkyrmen ïa ki khun salma ba kin lah ban ieng ha la ki jong ki kjat.
Na ka liang ka Ri Khasi Production ka la rai ban pynlait paidbah ïa kawei ka Music Video kaba la ai kyrteng, ‘Naduh Nyngkong ki Sngi’ ha ka Youtube channel ba ai kyrteng ‘Ri Khasi Production.
Kane ka Music Video yn pynlait paidbah noh ha ka 26 tarik u Nailar, 2022, ha kaba la rwai da u Samla Founderland Umbah, la shim bynta kum ki tyngshop bad puron ba hakhmat eh da u Samla Wolder Pale bad ka Sasmla Promica Lymphuid bad kiwei kiba la don bynta lang ha kane Music Video ki kynthup ïa u samla Pynwandur Pale, Repear Lymphuid, Banjari Khymdeit bad Founderland Umbah.
Ki nongshim bynta ha kane ka Music Video ki la pynpaw ka jingkmen ba ki lah ban pynlait paidbah noh ïa kane ka Music Video ha ka Youtube Channel ba la ai kyrteng Ri Khasi Production bad kum ki samla kiba pyrshang ban don bynta ha kine ki kam ak phlim ki buh ruh ka jingkyrpad ïa ki paidbah ba kin ai ka jingkyrshan, namar lada ki paidbah ki kloi ban ai ka jingkyrshan kan long ruh ka jingai mynsiem ïa ki ba kin dang lah ban pynmih sa kiwei kiwei ki Music Video kiba long shi bynta ban ai kam ai jam ïa ki khun samla ka jylla.
