Shillong, Risaw 22: Ka Central Puja Committee (CPC) ka la pyntip ba mynta u snem baroh ki Pnadal ki jaka leh niam Durga Puja ki don 250 tylli ha ka jylla baroh kawei, ki jaka mane blei paidbah ha Khasi Hills ki don 123 tylli, ki pandal kiba la shna da ki riew shimet ki don 11 tylli bad ha Garo Hills ki don 116 tylli baroh.
Ka Central Puja Committee (CPC) ka dei ka kynhun ka dei kaba mih khmat ïa ka kynhun niam Hindu ha kane ka jylla Meghalaya bad ka ïa treilang bad ki Puja Kommittee, ki Mandir Kommittee bad ki kommittee kiba peit ïa ki sngi khraw.
Kane ka kynhun ka don ïa ki shnat trei kam jong ka sha Garo Hills, Ri Bhoi District, Bhalaganj , Balat, Jaintia Hills, West Khasi Hills, South West Khasi Hills bad ha kiwei ki jaka ha Meghalaya kiba peit ïa ki kam jong ka CPC ha kane ka jylla Meghalaya.
Kane ka jinglehniam Puja kala sdang mynta ka sngi bad ka jingpynngam ïa ka blei kan long ha ka 24/10/2024. Ki Pandal paidbah ha kane ka nongbah Shillong ki don 64 tylli, jong ki riew shimet ki don 8 tylli. Ha kine ki saw sngi kin don shibun ki jingïakob tem ksing.
Na ka liang jong ki lad jingïada ki la buh ïa ki CCTV ha baroh ki jaka mane blei, kila don ki nongïarap ban peit ban ïaid beit ka jingleh niam puja ha baroh ki pandal kiba la don ha ki jaka bapher bapher ba kane ka jinglehniam kaba mynta kan long kaba beit ba biang ïa baroh, kane ka long katkum ka kyrwoh kaba la phah da u JL Das General Secretary ka CPC.
