Khliehriat, Risaw 16: Ka jingïalehkai phutbol 1st Division bala pynïaid da ka East Jaiñtia Hills District Football Association (EJHDFA) kaba la long hynne ka Sngi ha madan Deinchynrum, Khliehriat.
Haba phai sha ka jingïakhun ‘Quarter Final’ ba nyngkong mynta ka sngi kaba la long hapdeng ka Wahiajer NYSSC pyrshah ïaka Chiehruphi SYWSC kila poi sha ka jingïakhaid da mar 2-2 kol haduh ba kut jong ka por ka jingïakhun.
Na ka liang ka Wahiajer NYSSC kala ïoh ban thep kol nyngkong lyngba u Yearly Mukhim haka minit ba 4 bud sa u Monme Mynsong haka minit ba 9, na ka liang ka Chiehruphi SYWSC kala ïakhun dohïap ban pynphai kylla ïa kitei ki ar kol bad dei ha ka minit ba 23 u Sa -o- Bareh ula ïoh ban thep ïa ka kol bud sa ka kol ba ar lyngba ka Penalty da u Suting Syrti haka minit ba 58 jong ka kylla miet.
Da kane ka jingïakhaid la rai jop ïa kitei ki kynhun da ka jingïashut Tie Breaker ha kaba ka Chiehruphi SYWSC kala jop da 4-2 ïa ka Wahiajer NYSSC.
Ka jingïakhun ‘Quarter Final’ mynta ka sngi (17 tarik) kan long hapdeng ka R.Synrang Shahkhain pyrshah ïa ka Ladrymbai B. SC haka por 2 baje nohphai sngi.
