Shillong, Naitung 14: Ka kabu ksiar ïa ki khynnah kiba don sap lyngba ka prokram ba kyrpang kaba don jingthmu ban wad ïa ki khynnah kiba don ïa ki sap ïalehkai hapoh ka Khelo India Rising Talent Hunt (KIRTI-MyBharat), ha kane ka prokram yn bishar bñiah ïa ki samla kiba dangdon sap khnang ba kin ïoh ka jingshah hikai hapoh ki shlem ai jinghikai kiba don ha kylleng jong ka ri.
Ha kane ka KIRTI (My-Bharat) yn jied sap ïalehkai ha ka Athletics bad Football ban pynlong ha Nativity HSS, Mawkyrwat ha ka 18-19 tarik mynta u bnai. Ka jingpynrung kyrteng kan sdang naduh ka por 9.30 mynstep haduh ka por 1 baje baje mynsngi bad ka jingbishar bñiah kan long haduh ka por 6 baje janmiet.
Kane ka prokram kan don ïa ka jingpeit bniah ïa ka met (ki jingthew ïa ka koit ka khiah). Kane ka kyrwoh ka la wan na u T.S. Chavhan, Deputy Director ka SAI, STC, Shillong.
