Shillong Lber, 10: Ka Meghalaya State Legal Services Authority mynta ka sngi Saitjaiñ ka la pynlong ïa ka National Lok Adalat ha baroh ki district jong ka jylla Meghalaya, hapoh ka lama jongka National Legal Services Authority (NALSA).
U Member Secretary, Meghalaya State Legal Services Authority Bah E. Kharumnuid, ula pyntip ba ha katei ka National Lok Adalat, la shong bishar ïa ki 1347 tylli ki mukotduma bad ïa ki 371 tylli ki mukotduma kiba la sahteng na ka bynta ban pynïasuk bad ban ïa beit noh.
Kila don baroh 1718 tylli ki mukotduma kiba la shah tian bishar, ha kaba la pynïasuk noh ïa ki 340 tylli ki mukotduma ha ka jinglut jingsep kaba kot T.1,64,70,567.
