Shillong, Risaw 27 : Ka Meghalaya Boxing Association (MBA) ka la jied ïa ki 16 ngut ki nongïalehkai ïakura boxing kin leit mihkhmat ïa ka jylla sha ka 1st North East Sub Junior Boys & Girls Boxing Cham-pionship kaban long ha Dirang, Arunachal Pradesh kaban sdang naduh ka 27 tarik haduh 31 tarik Risaw 2022.
Ki 16 ngut ki nongïalehkai boxing ba ka MBA ka la jied ki kynthup phra ngut ki shynrang bad phra ngut ki kynthei. Ki nongïalehkai ha ka liang ki shynrang ki kynthup ïa u Maitphang Mawsor (32-35kg). u Santoh Chettri (35-37kg), Banrapkupar Syiem Malngiang (37-40kg), Karan Thapa (40-43kg), Sanjan Kumar Ram (43-46kg), u Ricky Rynjah (46-49kg), u Bashanlang Sylliang (55-58kg) bad u Sunny Thakuri (67-70kg).
Ha ka liang ki kynthei ki kynthup ïa ka samla Deiti Lonia Sunn (36-38kg), Badahun Syiemiong (38-40kg), ka Saphira Kharshiing (40-43kg), ka Ibanpynsuk Thabah (43-46kg), Simran Thapa (46-48kg), ka Melbarine Swer (48-50kg), ka La-i-Matti Mitri (50-52kg) bad ka Priyanka Thapa (52-54kg).
Ïa katei ka kynhun ba 16 ngut yn ïalam da u Bah Dondor Marweiñ, Bah Marshal Swer kum ki Coach bad ka Kong Carolyne Sunn kum ka Manager.
