Shillong, K’lyngkot, 14: Ka President jong ka ri India, ka Droupadi Murmu kan wan jngoh ïa ka jylla Meghalaya bad Assam naduh ka 15 haduh 17 tarik u Kyllalyngkot, 2024.
Ha ka 15 tarik u Kyllalyngkot, ka President kan plié paidbah ïa ka lympung ïalehkai Meghalaya Games ha PA Sangma Stadium, Tura.
Ha ka 16 tarik, ka President kan ai jingkren ïa ki dkhot jong ki Self Help Group ha ka kad liengsuin Baljek, Tura bad kan buh maw nongrim ïa ka Integrated Administration Complex, Tura ba thymmai lyngba ki lad digital. Ha kajuh ka sngi, kan ai jingkren ha ka jingïalang ha Mawphlang bad kan plié paidbah ïa ka jingkyntiew ïa ka surok Rongjeng Mangsang Adokgre Road bad ka surok Mairang Ranigodown Azra Road da ki lad digital bad kan buh maw nongrim ruh ïa ka Shillong Peak Ropeway bad ki jaka sah ki nongjngoh kai pyrthei ha ki shnong Kongthong, Mawlyngot bad Kudengrim. Ha ka janmiet, ka President kan ïashim bynta ha ka prokram ba pynlong da ka Sorkar Meghalaya ha Raj Bhavan, Shillong.
Ha ka 17 tarik u Kyllalyngkot, ka President kan ïashim bynta ha ka jingrakhe golden jubilee jong ka Karbi Youth Festival ha Taralangso, Diphu, Assam.
