141 klur la dep siew ka sorkarjylla sha ki 805 ngut ki trai jaka ban pynïaid pipe gas

Shillong, Nailur 21 : Ka sorkar jylla ka la dep siew 141 klur sha ki 805 ngut ki trai jaka ba shah ktah ha ka jingpynïaid ïa ki pipe gas ha baroh kawei ka jylla hapoh ka North East Gas Grid (NEGG) Pipeline project.
Ïa kane la ïathuh da u Myntri ka tnad Revenue & Disaster Management, Bah Kyrmen Shylla ha ka jubab ba la wanrah ha Iing Dorbar Thawain ka jylla ha kane ka sngi Palei.
“Haduh 141 klur tyngka la siew sha ki 805 ngut ki trai jaka katkum ka Section 10 (4) jong ka Petroleum & Mineral Pipelines (P&MP) (Acquisition of Right of Use in Land Act, 1962),” ong u Myntri.
Shuh shuh u la ong ruh ba ïa baroh ki jingbit bad ki jingmynjur la dep ban ïoh haba ïadei bad ka jingpynïaid ïa kitei ki pipe ha ka jylla.
“Baroh ki jingdonkam kynthup naduh ka jingmynjur na ka Petroleum and Explosive Safety Organization (PESO), jingmynjur na ka Consent to Establish (CTE) State Pollution Control Board (SPCB), jingbit na ka tnad Forest, Jingbit lane ka ka No Objection Certificate (NOC) na Khasi Hills Autonomous District Council ha Ri Bhoi bad East Khasi Hills Districts, khlieh nongsynshar, Jaintia Hills Autonomous District Council ha East & West Jaintia Hills Districts la dep ban ïoh da ka IGGL ban pynïaid ïa ki pipe ha ka jylla Meghalaya,” u la ong.
Shuh shuh la ïathuh ruh ba ïa ka Indradhanush Gas Grid Limited (IGGL), ka kynhun ba don lang bad ka IOCL, ONGC, OIL, GAIL & NRL, la ai bor da ka Petroleum and Natural Gas Regulatory Board (PNGRB) hapoh ka Section 16 bad katkum ka Policy Directives kaba la ai sha PNGRB da ka sorkar pdeng hapoh ka Section 42 jong ka PNGRB Act, 2006 lyngba ka shithi ba 17tarik Naiwieng, 2020 na bynta ban pyntreikam ïa ka North East Gas Grid (NEGG) Pipeline project.