1 tarik u Nailur yn sdang ai injek ïa ki ksew surok ban rat dyngkong ïa ka jingpang Rabies

Shillong, Nailar 28 : Ka bor pyniaid district ka East Khasi Hills kan sdang ïa ka pilot project ban ratdyngkhong ïa ka jingioh jingpang rabies ki briew na ka jingshah dait ksew da kaba ïaid injek ïa ki ksew ha ki jaka sor ka Shillong ha ka 1 tarik Nailur.
Ïa kane ka project yn sa pynlait ha ka Ophis u Deputy Commissioner ka East Khasi Hills, ha ka por 11 baje mynstep, ong ka kyrwoh bala pynmih ha ka 25 tark Nailar.
La bthah ïa ka Shillong Municipal Board ba kan phah ïa ki briew ba kin kem ïa ki ksew surok na ka bynta ban ai injek bad ban iatreilang ruh bad u District Veterinary Officer.Ia kane ka kam yn pyndon bynta lang ïa ki Pulit ka district, ki bor ka tnad ka koit ka khiah, ki veterinary bad ki Dorbar Shnong.
Lah khot sngewbha ïa ki Nongmihkhmat na ka shnong Lumshatsngi, Kench’s Trace, Madan Laban bad Riat Laban, Riat Laban Kynjat Phutbol, Oxford, Lower Lumparing bad Upper Lumparing ba kin wan iashimbynta.Ka Helping Organisation for People, Environment and Animals, lane HUFAN, kin iadon bynta lang ha ka project.