Yn treilang ka tnad bad ki bor sorkar ban shngainñ ï ki khynnah kynthei ha skul bad imlang sahlang

Shillong, Naiwieng 03 : U Myntri ba dei peit ïa ka tnad Pule Puthi ka sorkar jylla, Bah Lahkmen Rymbui ha ka sngi Nyngkong u la ong ba ka tnad kan sa trei lang bad ki bor sorkar ban pyntikna ba kan don ka jingshngain ïa ki khun kynthei la ka long ha ka por ba ki don ha skul lane ha ka imlang sahlang.
“Ka tnad pule puthi kan sa treilang bad ki bor sorkar ban peit ba kan don ka jingshngain jon gki khynnah kynthei ha ki jaka pule bad ruh ha ka imlang sahlang,” ong u Myntri haba kren bad ki lad pathai khubor.
U Myntri u la pynpaw ruh ba ka tnad ka don ïa ka thong ban peit na ka bynta ka bha ka miat jong ki khynnah skul. “Ngi pdïang ïa kano kano kano ka sienjam ba shim da ka sorkar jylla kaba dei na ka bynta ka bha ka miat jong ki samla pule. Ka thong jong ngi ka long na ka bynta ka bha ka miat jong ki khynnah skul bad khamtam ïa ki khynnah kynthei.” u la ong.
U Myntri u ong ruh ba kane ka sienjam kam dei shuh tang ka mat kaba ïadei bad ka pule puthi hynrei khamtam eh kaba ïadei bad ka jingim kaba man la ka sngi.
“Haba nga kren shaphang ka bha ka miat ha ki liang baroh kam dei eh tang ka pule puthi hynrei kadei khamtam ka jingim kaba man la ka sngi,” u la bynrap biang.