Nongstoiñ, Lber, 31: U Deputy Commissioner ka West Khasi Hills District, u la pynbna lypa ba ka jingjur slap ka lah ban jia ha ka District. Kumta u la pyntip ha baroh ki paid nongshong shnong jong ka West Khasi Hills, khamtam kito kiba sah harud wah, ba ki dei ban long kiba husiar khamtam ha ka por mynmiet.
La kyrpad ïa baroh kiba sah ha ki jaka ba don jingma ba ki dei ban kynriah noh sha ki jaka ba kham shngaiñ. La kyrpad ïa ki paidbah ban kiar na ki wahduid bad kiar ban ñiah kali sha ki jaka ba shlei um bad ruh ban kiar na ki jaka ba don ki electric post ban lait na ka jingmynsaw.
Ïa kano kano ka jingïarap ne lada don kano kano ka jingjia, la kyrpad ba kin pyntip bad phone ha ka District Emergency Operation centre 03654280202/9485005523, EAC, Revenue & Disaster Management 09362541814 bad ha ki Block Development Officers08256966967/07005683966.
