Jowai, Jymmang 27: Ka Jaiñtia Students’ Union (JSU) sengkmie mynta ka sngi ka la pynbna ban pynlong ïa ka jingïakhih da kaba shong kyllaiñ myngngor lashai ka sngi 28/05/2025 la Lad College Kiang Nangbah, Jowai haka por 11 baje mynstep.
Ka daw ba pynlong ïa ka seng ban mih shakhmat da ka jingïakhih ka long halor ka jingbteng ka jingbym ïoh klas ki khynnah pule hapoh Rilum Jaiñtia.
Ka Jaiñtia Students Union ka kyrpat ïa baroh ki khynnah bym ïoh klass bad ïa ki kmie ki kpa ba kin wan ïashim bynta lang khnang ba ka jingïakhih ka long ka ba seisoh. La kyrpat ruh ïa ka sorkar ba kan shimkhia ïa kane ka jingbym ïoh klass ki khynnah hapoh Rilum Jaiñtia namar kiba bun ki khynnah bym ïoh klass ki dei kiba wan na ka longïing baduk.
Ka seng hadien bala dep ïakynduh ïa u Myntri Rangbah duh ka jylla ka dang kyrmen bala lah ban pynurlong ïa kane ka jingai jingmut ban pynlong noh daka klas janmiet ha Kiang Nangbah Govt Higher Secondary School bad ka klas step ha Government Boys’ Higher Secondary School, hynrei ka sorkar kam shym la shim khia kumba la kular.
