Shillong, K’lyngkot : Ka Society of Labours and Development Agency (SLDA) hynne ka sngi kala pynbna paidbah ban sam da ka khusnam sha ki riew donsap ha ka jylla ha ka 11 tarik Rymphang 2023, ha Anton Hall Laitumkhrah Shillong.
Haba kren sha ki lad pathai khubor ka Discipline Secretary, kong Phibarisha Diengdoh ka la ïathuh ba kane ka society ka dei ka ba la ithuh da ka sorkar jylla bad ka jingsam ïa ki khusnam ka dei na ka bynta ban pynshlur ïa ki briew khamtam ïa ki samla ban ïeng hala ki jong ki kjat haba ki sengkam lajong.
Na ka liang ka kong Phibarisha ka la ïathuh ba ka SLDA kan sam ïa ki khusnam ba kynthup ka best Start-up of the year, Best entrepreneur, Best woman leader, Best Small business, Best business Man/Woman of the year, Best Photography/video graphy, Best Director, Best Skill, Best Pageant Holder, Best Sports Person, Best Makeup Artist bad Best Artist.
Nalor kata ka la ong ruh ba ka Society of Labours and Development Agency ka khot ka wer ïa ki riew donsap ha ka jylla ba kin wan ban shim bynta da ka ba pynrung kyrteng ne Register ïalade daka ba Phone ha u number 7627963324.Ka kong Phibarisha kala ïathuh ba ki nongjop ha kane ka sngi kin ïoh ban leit ban shim bynta ha ka bynta ka ‘National Award’ ka ban long mynta u snem ha nongbah Delhi.
