Shillong, Nohprah 13 : Ka jingïalang jong ka Executive Committee (EC) jong ka KHADC ha ka sngi Balang ka la shim ïa ka rai ban rah biang ïa ka KHAD (Khasi Social Custom of Clan Administration) Bill ha ka Dorbar Tlang kaban sdang ha ka 20tarik mynta u bnai.
U CEM ka KHADC, Bah Pynïaid Sing Syiem u la ïathuh ruh ba ka EC ka la rai ban wanrah da ka Amendment Bill ban pynbha shuh shuh ïa ka Fisheries Act jong ka Council khnang ba kan lah ban tehlakam bad teh kyndon shuh shuh na ka bynta ban pynneh pynsah ïa ki um ki wah bad khamtam eh ïa ki dohkha dohpnat.
U CEM u la ïathuh ruh ba ha kane ka Dorbar Tlang kin don haduh 9 tylli ki Motion, kawei ka Resolution bad 22 tylli ki jingkylli.
