Shillong, Nohprah, 13: Ka kynhun Search and Rescue Team jong ka tnat Fire and Emeregency Service bad ki Pulit jong ka Mawlai Police Station ha ka sngi Balang ki la ïoh sei ïa kawei ka metïap jong iwei i khunlung kaba la per ha sla um jong ka wah Umkhrah ïa iba ym pat lah satia ban pyntikna la i dei i khunlung kynthei ne shynrang.
Katkum ka jingtip ba la ïohlum la ïathuh ba ïa kane ka metïap jong ine i khunlung ba dang shu kha ïa kaba la suba ba la bret dusmon da ki kmie ki kpa, la lap da ki paidbah kiba sah hajan ka Wah Umkhrah sha lyndet jong ka Seng Khasi College.
Hadien ba ki Pulit ki la shimti ïa kane ka met ïap jong ine i khunlung, la pynkit noh sha Civil Hospital, Shillong.
