Mawkyrwat, ‘Nailur 15: Ka ophis District Mission Coordinator, SSA, South West Khasi Hills District kan pynlong ïa ka Road Show Awareness Campaign ba sa pynlong da ka State Projects Office jong ka Samagra Shiksha ryngkat ka jingïatreilang bad ka Station Head ka Red FM, South Asia FM LTD, Shillong ha Ïew Mawkyrwat. Ka jing-thmu jong kane ka campaign ka long ban ïarap bad kyrshan ïa ki khynnah ki bym ïoh lad ban leit skul kiba hapdeng ka rta 16 haduh 19 snem ban pynrung ha ka National Institute of Open Schooling (NIOS) kaba dei haduh ka klas XII.
Kane ka prokram kan long ha ka 19 tarik u ‘Nailur, 2023 ha ka por 11:30 mynstep ha ïew Mawkyrwat, South West Khasi Hills District.
