Shillong, Nailar 07: Ka Shooting Association of Meghalaya shen kan sa ïoh ban pynlong ïa ka lympung siat suloi kaba la tip da ka 10th North East Zone Shooting Champlonship kaba la pynkhreh ha Assam Regimental Centre, Happy Valley, Shillong.
Kane ka lympung kan sdang naduh ka 20 tarik ka ban bteng haduh ka 27 tarik mynta u Nailar, 2023. Yn pynlong ïa kane ka lympung ïakop siat suloi ryngkat bad ka jingïatreilang bad ka National Rifle Association of India bad ruh ka jingkyrshan na ka Directorate of Sports and Youth Affairs, jong ka sorkar jylla Meghalaya.
Ki jylla ki ban sa ïashimbynta ha kane ka rynsan ïakop siat suloi ka ban sa long shen, ki kynthup ïa ka Assam, Manipur, Mizoramn, Nagaland, Arunachal Pradesh bad ka Meghalaya. La khmihlynti ruh ba ha u ne u snem kin don palat ïa ka 300 ngut ki nongïakop siat (shooter) na baroh kine ki jylla ki ban sa ïashimbynta ha ki kyrdan bapher bapher jong kane ka Championship.
Shuh shuh, kane ka Championship ka dei tang na ka bynta ki nongïalehkai kiba dei na kane ka thaiñ kiba hap hapoh u pud u sam jong ka ‘NorthEast Region’. Kin sa don 10 ngut ki nongbishar North Eastern States and the Federation will be in-charge with the conduct of the Competition. Ha kane ka Championship kan don ka jingïakop siat ha ka 10 m rifle & pistol, 25 m pistol, 50 m rifle open sight & peep sight bad 50 m pistol na ka bynta baroh kynthei bad shynrang.
Ki nongïashimbynta (Shooters) kiba dang hapoh 21 snem,19 snem bad 16 snem kin sa shah kynthup ha ka kyrdan Junior,Youth bad ka Sub-Youth ha kane ka Championship. Katba ki nongïalehkai kiba la palat ïa ka 21 snem ki lah ban ïakhun tang ha ka kyrdan Senior. Nangta ki nongïashimbynta kiba la kot sha ka 60 snem ki lah ban ïakhun ha ka kyrdan Senior Master, bad ki ba dang hap ha ka rta 45 haduh 60 snem ki lah ban ïakhun ha ka kyrdan Master.
ïa ka jingpynrung kyrteng lah ban pdiang tang lyngba ka State Rifle Association/Units bad ruh lyngba ka NRAI’s online system, bad ki nongïashimbynta ki hap ban leit lyngba ka website www.nral.org ban thep ïa ki kyrteng jong ki bad ruh ban pyndep ïa ka jingsiew ban rung sha kane ka Championship ka ban sa long. Ka jingpynrung kyrteng kan kut haduh ka por 9 baje mynmiet ha ka 14 tarik mynta u Nailar, 2023.
