Shillong, Nailar 07: Kum shi bynta ban pynmih fund ïaka Club naka bynta ka 1st Division Football League bad kumjuh ka 1st Division Cricket League, ka Malki SC kan pynlong ïaka jingïakop shut penalty lane ka Penalty Shootout haka 11 tarik bad 12 tarik mynta u bnai ha Madan Malki, ka ban sa sdang naduh ka por 10 baje mynstep.
Ka song tyngka haka 11 tarik kan long 10,000 tyngka naka bynta kiba jop bad 5000 tyngka naka bynta kiba wan ba ar, ka bai rung ha kane ka sngi kan long 500 tyngka. Katba ka song tyngka haka 12 tarik kan long 30,000 tyngka naka bynta kiba jop bad 10,000 tyngka naka bynta kiba wan ba ar, ka bai rung ha kane ka sngi kan long 1000 tyngka.
Nalor jong ka Penalty Shootout ka Club kan pynlong ruh ïaka Fete haka 11 bad 12 tarik mynta u bnai ha kaba ka Bumper Prize jong ka Housie kan long 50,000 tyngka haka 11 tarik bad 1,00,000 tyngka haka 12 tarik. Ka Housie kan sdang naduh 6:00 baje janmiet. Naka liang jong ka Club ka ïawer ïaki kynhun lane ki riew shimet sha ka Penalty Shootout. Naka bynta ka jingtip ba kham bniah sngewbha ban phone ha kine ki number 8256983718 bad 6909564934.
